Bob林盛斌自2019年起，開始舉行咗佢嘅第二個個人Talk Show《The Bobfather》嘅巡迴演出，由香港出發，佢將演出帶到國內中山及廣州等5個城市，再轉戰馬來西亞同澳門，然後更衝出亞洲，遠征歐洲嘅阿姆斯特丹同倫敦，及北美洲嘅多倫多、溫哥華、舊金山同洛杉磯，每一站都叫好又叫座，將歡笑和正能量傳播到全球。嚟到今次演出嘅最後一站，更加係佢第一次踏上紅館嘅大舞台，演出將會全面升級，Bob必定施展渾身解數，為大家帶嚟最精采嘅表演。

喺經典電影《教父》當中，有非常多令人難忘嘅精采對白，盡顯教父作為首領嘅智慧和成功之道。因此同樣想同大家分享佢嘅成功之道及做人辦事方式嘅Bob，決定化身「Bobfather」，借住親身經歷傳播正面訊息，為港人帶嚟輕鬆勵志嘅能量，務求大家睇完佢嘅表演，享受娛樂之餘，都可以提升自己，一齊踏上成功之路。